加减乘除的博客

       睇咗林海峰《是但up》系列噶talk show好多年，今日终于有机会可以系现场睇到。林海峰每一句说话都好吸引，2个钟好快就过咗，真系觉得唔够！！！

       首先讲下广州体育馆，今次系我第一次入里面睇show，上次噶GEM演唱会因为要出差噶关系冇去到。室内噶场馆就肯定俾室外噶效果要好，谂起系天河体育中心睇噶容祖儿效果真系麻麻。而呢度噶灯光，音效都做得唔错，起码睇起身可以做到似一场show。旧年去过中山纪念堂同广州少年宫噶蓓蕾剧院，都系觉得呢度最好。暂时觉得广州体育馆系广州最适合开show噶地方。今晚噶舞台搭得好靓，符合“我好惊”呢个主题，中间系一个大屏幕，仲有一层层噶楼梯可以上去，旁边加埋个不停转动噶大钟，好有童话噶feel。